Од локалната самоуправа информираат дека на увид и јавна расправа , ставен е Извештајот за стратегиска оцена на влијанието на животна средина за Урбанистички план вон населено место за Долно Лакочереј за викенд населба на М.В. Вишо КО Долно Лакочереј.
Извештајот за Стратегиска оцена на влијанието на животната средина е изложен во соба бр. 56 Сектор за урбанизам и заштита на животната средина , во Општина Охрид секој работен ден од 8 – 16 часот почнувајќи од 15- ти април до 15- ти мај 2013 год.
Јавната расправа ќе се одржи на ден 10- ми мај во малата сала на Општина Охрид ,со почеток во 12 часот.
Правните и физичките лица и јавноста можат да го достават своето мислење во врска со Извештајот до Општина Охрид во рок од 30 дена по објавувањето на информацијата, а сите заинтересирани страни се поканети да учествуваат на јавната расправа и да го дадат своето мислење ,забелешки и предлози по Извештајот за стратегиска оцена на влијанието на животната средина. Истите може да ги испраќаат на e-mail : [email protected] , или по пошта на следната адреса Општина Охрид , ул. Димитар Влахов бр.57 Охрид.
.
