Јаневски : „На секој меч ќе одиме на победа“

„Добредојде дома Чеде, тука е твоето место“.Престедателот на ФФМ Илчо Ѓорѓиоски истакна дека Јаневски е вистинскиот човек за македонскиот репрезентативен тим. „ФФМ има стратегија и цели и затоа ќе го прифатиме со широко раширени раце. Му посакувам успех и заеднички да се радуваме на идните успеси на македонската репрезентација”-го изрази задоволството првиот човек на ФФМ.

Директорот на репрезентацијата Петар Милошевски ја потврди поддршката за новиот селектор: „ Ние ќе му бидеме десна рака и ќе му помагаме да го пренесе своето искуство не само во репрезентацијата туку и за вкупниот развој на мак-фудбалот. До стартот на квалификациите има уште две недели и затоа сите заедно треба да дејствуваме брзо за да го подигнеме рејтингот на македонскиот фудбал. 

Селекторот Јаневски пред новинарите не сакаше да го прогнозира пласманот во квалификациската група, но најави дека има победнички менталитет, дека е добро што голем број од играчите играат во странство и според него тие знаат како треба да се подготват за репрезентативните настапи. – Ги следев последните три натпревари на македонската репрезентација и мислам дека би вклучил за следните два квалификациски дуели со Хрватска и Шкотска уште 2-3 играчи. Времето е кратко но ќе подготвиме соодветна тактика и најважно за мене ќе биде играчите да го одиграат она што ќе го барам од нив и за што ќе се договориме. Сите натпревари се важни и затоа сметам дека не е хендикеп што првите две средби ги играме во гости бидејќи 5 пати ќе гостуваме и исто толку пати ќе бидеме домаќини. На секој натпревар ќе одиме на победа. Работев во Белгија и Србија и тоа ќе ми помогне да направам што подобар скаутинг на овие селекции бидејќи против дел од играчите сум играл како тренер на Бриж и Црвена Звезда-рече Јаневски кој најави дека за неколку дена ќе ги соопшти и имињата на своите соработници во Стручниот штаб за кои рече дека мора да го исполнуваат спортскиот критериум.