Агенцијата за финансиска поддршка во земјоделството и руралниот развој на 15-ти овој месец објави јавен повик за користење на средства од ИПАРД програмата 2007 – 2013.
Како што соопштуваат од Секторот за туризам и ЛЕР и Канцеларијата за стручна поддршка на развојот на земјоделството на Општина Охрид, средствата се однесуваат на инвестиции на земјоделските стопанства со цел нивно преструктуирање и надградба за достигнување на стандардите на Европската Унија, инвестиции за преработка и маркетинг на земјоделските и рибните производи со нивно преструктуирање и надградба за достигнување на стандардите на Европската Унија, како и диверзификација и развој на руралните економски активности.
Крајниот рок за поднесување на барањата е 17 април 2014 година.
OhridNews
