Во првата рунда од Купот на Македонија, ждрепката сакаше да вкрстат Охрид 2011 и Струга Илинден. Мечот е пријавен за натпревар од висок ризик , а Јавното претпријатие е спремно да одговори на пропозииците кои налагаат за такви дуели.

Во соопштението за јавноста следи :

В сабота со почеток во 17 часот екипите на РК Охрид и РК Илинден од Струга ќе ги одмерат силите во Спортската сала Билјанини Извори. Натпреварот е од првата рунда на Националниот куп на Македонија, а по барање на РК Охрид мечот е прогласен за натпревар од висок ризик така што ЈП Билјанини Извори како правен субјект кој стопанисува со Спортската Сала Билјанини Извори ја известува јавноста дека  ќе ги превземи сите неопходни активности за кои ние имаме овластување се со цел натпреварот да помине во одлична спортска атмосфера. ЈП Билјанини Извори како активен подржувач на кампањата “Стоп за насилство во спортот”  апелира до навивачките групи на двете екипи да се воздржат од секакви провокации и недолично навивање.

Мх.П.