Расадникот кој функционира во рамките на работната единица „Паркови и зеленило“, при ЈП „Охридски комуналец“, нуди широк асортиман од декоративни садници од видот палми-”trachycarpus fortunei”.
– Нека Охрид стане препознатлив по палмите. Овие тропски растенија заради својата украсна вредност и егзотичен изглед, на парковските површини им даваат посебна убавина и изглед. Палмите од видот „ trachycarpus fortunei” добро се аклиматизирани на временските услови во охридскиот крај , отпорни се на ниски температури, а есенскиот период е идеално време за нивно засадување, велат од „Охридски комуналец“.
Оттаму, нагласуваат дека палмите се продаваат по пристапна и намалена цена, а граѓаните во Расадникот можат да добијат и совети околу нивното засадување и одржување.
OhridNews
