Владата на РМ реши да го распушти Јавното претпријатие за стопанисување со спортските објекти (ЈПССО) и да го префрли управувањето врз салите и стадионите во државата кај органите на локалната самоуправа.

Со оваа одлука сегашните концесионери на спортските објекти парите наменети за кирии, наместо на сметката на ЈПССО, ќе треба да ги уплатуваат на сметките на општината во која се наоѓа објектот.

Јавното претпријатие, чија обврска беше грижа за спортските објекти во државата, ќе биде расформирано во следните 30 дена, и тоа со посебна одлука на министерот за правда.

Со тоа ќе му биде ставен крај на правен субјект, кој во минатото повеќе беше поврзуван со корупциски скандали отколку со позитивни работи за подобрување на спортската инфраструктура во Македонија.

ohridnews