Љубителите на добрата забава викендов ќе може да уживаат во неколку живи свирки и диџеј забави во охридските ноќни клубови.
Вечерва „Cuba Libre beach & bar“ повторно е резервиран за уживање со музичкиот проект „Smile Dance Love“ и безвременските хитови. Настапуваат Емилија Маринова – пиано и вокал, Горан Папаз – саксофон и Филип Стојковски Зизи – тапани, со нивниот извонреден проект. Забавата започнува во 22 часот.
Во кабаре клубот „Еспана“ вечерва и утревечер настапува познатата група „Kiss Me“. Забавата започнува во 23 часот.
Во Cuba Libre-Havana club за добрата забава вечерва ќе се погрижидиџеј „MM“ , a во сабота ќе настапидиџеј Yuksel. Забавата започнува во 23 часот.
Како и секоја сабота така и оваа, незаборавна забава ветуваат од Lounge bar & boutique hotel „Mister I“, каде ќе настапи популарниот диџеј Панчо. Старт во 22 часот.
Утревечер, гостите во „Cuba Libre beach & bar“ ќе може да уживаат во настапот на групата „Perija Live“. Оваа група ја сочинуваат Филис- тамбура и вокал, Леа-лаута, Кате-кемене и вокал и Ева-даф и вокал. Забавата започнува во 22 часот.
Охриѓани и туристите кои сакаат да уживаат во акустична музика и вкусни специјалитети во петок и сабота со почеток во 20 часот ќе може да уживаат во атмосферата на „Мезе бар 10“. За забавата ќе се погрижи групата „Билјана јуниор“.
Забави со староградска музика викендов ќе се организираат и во „Kadmo Lounge Bar“. Гостите ќе може да уживаат во понудата на познати, испробани, но и нови специјалитети, ладни и топли закуски, традиционално вино и разни видови други пијалаци.
За деталите за овие и другите забави во Охрид овој викенд, како и за забавните настани кои се случуваат секојдневно, може да се информирате во рубриката „ШТО, КОГА, КАДЕ“ на најчитаниот интернет портал во регионот OhridNews.
