Љубителите на добрата забава викендов ќе може да уживаат во неколку живи свирки и диџеј забави во охридските ноќни клубови.
Вечерва во клубот „Cuba Libre Beach&Bar“ гостите ќе ги забавува „Iguana band“. Бендот го сочинуваат: Тања Димова Трајанова – вокал, Александар Трајанов – гитара, Горан Гешовски – бас и Сашо Стојановски – тапани.Почеток на забавата e во 22.00 часот.
Во сабота на 30-ти јануари, во Lounge bar & boutique hotel „Mister I“ ќе има незаборавна забава со Dј Yuksel. Старт 22 часот.
Овaa сабота „Cuba Libre beach & bar“ е резервиран за музичко уживање. Настапуваат Емилија Маринова – пиано и вокал, Горан Папаз – саксофон и Филип Стојковски Зизи – тапани со нивниот извонреден проект „Smile Dance Love“ со безвременски музички хитови. Забавата започнува во 22 часот.
Добра забава со екстра турбо фолк музика вечерва и утревечер најавуваат од „Еспана Клуб“. Забавата започнува во 22 часот.
Охриѓани и туристите кои сакаат да уживаат во акустична музика и вкусни специјалитети вечерва и утревечер со почеток во 20 часот ќе може да уживаат во атмосферата на „Мезе бар 10“. За забавата ќе се погрижи групата „Билјана јуниор“.
Забави со староградска музика вечерва и утревечер ќе се организираат и во „Kadmo Lounge Bar“. Гостите ќе може да уживаат во понудата на познати, испробани, но и нови специјалитети, ладни и топли закуски, традиционално вино и разни видови други пијалаци.
За деталите за овие и другите забави во Охрид овој викенд, како и за забавните настани кои се случуваат секојдневно, може да се информирате во рубриката „ШТО, КОГА, КАДЕ“ на најчитаниот интернет портал во регионот OhridNews.
OhridNews
