Каде е забавата овој викенд во Охрид?

Охриѓани и гостите кои овој викенд ќе престојуваат во Охрид ќе може да уживаат во неколку живи свирки и диџеј забави во охридските ноќни клубови.

Забавата стартува вечерва во 22 часот во клубот „Cuba Libre Beach&Bar“ каде што настапува познатиот музички изведувач Ѓоко Танески.

Добра забава најавуваат и од „Kadmo Bar“ каде вечерва настапува кубанското трио Cubano Soy, а ќе има и промотивни цени на сите коктели со рум. Забавата започува во 22 часот.

За забавата во „Cuba Libre Havana Night club“ вечерва ќе се погрижи DJ.JUXELL, а утревечер DJ.MM.

Во сабота на 21-ви ноември со почеток во 22 часот во „Cuba Libre Beach&Bar“ настапува извонредниот бенд „Shine“.

Љубителите на староградската музика вечерва и утревечер ќе може да резервираат место во „Kadmo Lounge Bar“, каде што ќе може да уживаат во понудата на познати, испробани, но и нови специјалитети, ладни и топли закуски, традиционално вино и разни видови на други пијалаци. Почеток на забавата е во 21 часот. 

За деталите за овие и другите забави во Охрид овој викенд, како и за забавните настани кои се случуваат секојдневно, може да се информирате во рубриката „ШТО, КОГА, КАДЕ“ на најчитаниот интернет портал во регионот OhridNews.