Како да се заштитиме од пожари?

Секторот за внатрешни работи Охрид и Оделението за превенција, денес  со почеток во 19 часот и 30 минути, ќе го одржат 20-от состанок со Советодавната група граѓани од Косел.
    
„Превентивни мерки за заштита од пожари на отворен простор„ и „Злоупотреба на безвизниот режим „се темите на состанокот на кој ќе стане збор и за други актуелни  теми  и проблемски случувања.
    
Средбата со Советодавната група граѓани од Косел, ќе биде искористена и за дискусија во однос на  контролата на беснило кај животните и оралната вакцина кај лисиците и неопходноста од заштита од контаминација со вакциналниот вирус.
     
На состанокот ке бидат поделени едукативни флаери и друг пропаганден материјал поврзан со темите.
     
На средбата со Советодавната група граѓани што ке се одржи  во просториите на поранешната општина Косел, покрај претставници на СВР Охрид, ќе присуствуваат претставници од Граничната и шумската Полиција, од Агенцијата за храна и ветеринарство, од Националниот парк „Галичица„ од регионалниот центар за управување со кризи, од Локалниот совет за превенција како и  претставници на мисијата на ОБСЕ во Република Македонија.