Високиот водостој на каналот Студенчишта и натаму предизвикува проблеми. На неколку места по должината на патеката која води до Билјанини извори се забележуваат оштетувања, односно поткопување на асфалтот.
На одредени места водата од каналот се прелева што го отежнува движењето по рекреативната патека.
Обилните врнежи од дожд оваа година го зголемија водостојот на Охридското Езеро, кое во еден момент беше 29 сантиметри над максимално утврдената кота. И покрај периодот на стагнација, водостојот на езерото и натаму е необично висок за овој период од годината.
OhridNews
