Обилните врнежи од дожд и ветрот што дуваше изминатите денови драстично ја намалија температурата на воздухот, но и на водата во Охридското Езеро. Плажите се попупразни, а во вода има повеќе чамци отколку капачи.
Според најавите на Управата за хидрометеоролошки работи, денеска во Охрид ќе преовладува сончево време со мала до умерена облачност и слаб северен ветер. Максималната дневна температура ќе достигне до 26 степени Целзиусови. Попладне во западните делови од земјата ќе има услови за краткотраен локален дожд. УВ индексот ќе изнесува 7.
OhridNews
