Со извршените измените во законот за шуми и новиот закон за шумска полиција кој е во подготовка, ќе се реши проблемот со нелегалната сеча на огревно дрво,изјави директорот на ЈП Македонски шуми, Жарко Караџоски, коментирајќи ги неодамнешните протести на жителите во струшко кои бараа надлежните што поскоро да се справат со лицата кои нелегално ги сечат дрвата од околните шуми.
– Нелегалната сеча на огревно дрво не е застапена само во струшко, туку е проблем кој е присутен низ целата земја. Новиот закон за шуми е порестриктивен во однос на начинот на користење и стопанисување со дрвната маса. Шумата е богатство и споственост на РМ и со неа се стопанисува согласно законот за шуми и правилниците кои ги носи владата и кои мора да се почитуваат, рече Караџоски.
Тој потенцира дека кон решавање на проблемот значајно ќе придонесе и новиот закон за шумска полиција , на кој во моментов се работи, со што ќе бидат извршени значајни промени во однос на кадровското и техничко екипирање на шумската полиција.
OhridNews
