Тренерот на Челзи, Карло Анчелоти наводно размислува за заминување од клубот, пишуваат денес британските медиуми. Причината е повеќе од јасна, угледот на Анчелоти е разнишан, откако по смената на неговиот асистент Реј Вилкинс. Поради смената италијанскиот стратег се обрати и до тренерското здружение на Премиер лигата.

Атмосферата во Челзи е разнишана откако екипата забележа порази на три од последните четири натпревара во домашното првенство. Дел од одговорноста за поразите има кај Анчелоти, но неговото мислење е дека не може да биде единствениот виновник бидејќи нема целосна контрола во клубот.

Како пример Анчелоти го наведува Алекс Фергусон: „Фергусон има целосна контрола во клубот, додека јас сум само техничко лице“, наведува тренерот на Челзи. Карло Анчелоти на клупата на Челзи седна пред 18 месеци, во првата сезона тој ја освои шампионската титула и трофејот во Фа купот.

извор “Макфакс“
Ohridnews