Престанаа сите обврски на досегашниот селектор кој функцијата ја извршуваше заклучно со 1. Април 2009г. Претседателот на ФФМ и Сречко Катанец спогодбено го раскинаа договорот со што словенецот е ослободен од функцијата селектор која требаше да ја извршува до крајот на квалификацискиот циклус без никакви финансиски побарувања и компензации (оштета) од ФФМ за периодот по 1. Април до завршувањето на квалификацискиот циклус.
– Морам уште еднаш да потенцирам дека сум задоволен од работата на досегашниот селектор кој успеа од самото свое доаѓање да наметне стил на работа со ред и дисциплина што беше одлично прифатено од репрезентативците и јавноста. Македонската репрезентација под негово водство го оствари највисокиот рејтинг на листата на ФИФА и одигра серија на добри натпревари – изјави претседателот на ФФМ, Хари Хаџи-Ристески.
