Изградба на кружни текови се дел и од неодамна донесената годишна програма за работа на секторот за комунални дејности за 2013.
Како што информира секретарот на општина Охрид, Димитар Спасески, приоритет во програмата се дава на изградба на два кружни текови во населбата Рача и на улицата Бистрица.
– Ние имаме акционен план со над 100 проекти кои се разгледуваат , при тоа кружните раскрсници се во нашиот план за работа. Во тек е изработката на проектите за изградба на кружните текови на Бистрица и во Рача, по што ќе следи распишување на тендер и обележување на теренот, рече Спасески.
Според Локалната самоуправа изградбата на кружните текови ќе придонесе за поголема безбедност и ќе се овозможи поголем проток на сообраќај низ градските улици.
OhridNews
