На потегот од каналот Студенчишта до Горица Парк, локалната самоуправа ќе прави модерна променада, шеталиште кое според најавите на градоначалникот Никола Бакрачески , ќе биде едно од најубаво уредените во Македонија.
– Се надевам дека за кратко време ќе биде подготвена планската документација по што ќе може да започнат и градежните работи на патеката. Дел од средствата ќе бидат обезбедени од Европската банка за обнова и развој, кои секторот за туризам и локален економски развој ќе ги обезбеди за таа намена. На овој потег предвидено е да има патека за пешаци, велосипеди, ролери, просторот ќе биде хортикултурно уреден, ќе бидат поставени нови клупи за седење и канделабри, каде охриѓани и гостите ќе може секојдневно да се рекреираат, изјави градоначалникот Бакрачески.
Од локалната самоуправа најавуваат и уредување на просторот помеѓу двете коловозни линиии на патниот правец од Охрид до Свети Стефан.
Т.К.
