Во тек е изработка на физибилити студија за изградба на ски центар на планината Јабланица, која се работи на иницијатива на општината Вевчани. Доколку студијата покаже дека проектот економски е издржан и исплатлив, ќе се пристапи кон изнаоѓање стратешки инвеститор, најверојатно по принцип на јавно приватно партнерство, информираат од општина Вевчани.
Како што е познато, во тек е изработка на физибилити студија за изградба на ски центар и на планината Галичица. Претходно позитивно за оваа идеја се изјаснија и туристичките работници од Охрид, а проектот има поддршка од локалната самоуправа и централната власт.
OhridNews
