Сопствениците на пловни објекти оставени на потегот од Хидробиолошкиот институт до поранешниот риболовен пункт на јужната страна на каналот Студенчишта имаат рок до утре да ги отстранат, без оглед дали тие се на копно или во вода. Од локалната самоуправа информираат дека дислокацијата на пловните објекти се прави со цел да се уреди овој простор.
– Предвидено е комплетна дислокација на сите пловни објекти, затоа што голем дел има и руинирани и уредување на каналот Студенчишта и околните патеки од Билјанини извори, па се до ресторанот „Парк“, изјави Бранко Арнаудоски, началник на Секторот за урбанизам и заштита на животната средина.
Доколку сопствениците сами не ги отстранат пловните објекти, тоа на нивни трошок ќе го направи Општинскиот инспекторат, предупредуваат од локалната самоуправа.
Г.М.
