Македонија ќе има петмина свои претставници со четири европски екипи во годинашното натпреварување по групи од Купот на УЕФА.По вчерашните реванш натпревари со своите екипи, Златко Таневски со полскиот Лех Познањ, Драган Чадиковски и Александар Лазевски со белградски Партизан, Гоце Толески во дресот на Славија Прага и Горан Попов со холандски Херенвен си обезбедија место во претстојните натпревари по групи од второто по квалитет европско клупско натпреварување.
Најмногу претставници во УЕФА купот ќе имаат Германија и Холандија .
По пет клубви од овие земја ќе бидат дел од групната фаза. Германските Шалке, Штутгарт, Хамбургер, Волфзбург и Херта, како и холандските Ајакс, Твенте, НЕК Најмеген, Херенвен и Феенорд.
Четри преТставника ќе има Англија: Тотенхем, Манчестер Сити, Портсмут и Астон Вила, исто колку и Шпанија: Севиља, Валенсија, Депортиво и Сантандер.
Италија ќе има три меѓу кои и најголемиот фаворит Милан, потоа Удинезе и Сампдорија.
Натпревари во групната фаза обебезбедија уште и Партизан и Динамо Загреб.
Ждрепката за натпреварувањето по групи во Купот на УЕФА ќе биде оддржана на 7 октомври во Нион. Првите натпревари се играат на 23 октомври.
М.П.
