Ајфел Тауерс е еден исклучително силен и нималку наивен противник.

Ајфел Тауерс има дури шестмина Американци кои и ја “држат” играта на оваа екипа. Ги предводи силниот центар Џером Бисли, а освен него во првата петорка се и племејкерите Дин Оливер и Терон Доуни, како и крилото Ентони Ричардсон.

Помалку експонирани од американската колонија се Девон Џил, кој игра на крилната позиција, и Дејвид Џексон на втората бековска позиција (лани играл за Босна АСА од Сараево).

Домашениот дел од тимот го предводи одличниот шутер (посебно за три поени) Кес Акербум, кому сесрдно му помага Џош Фредерикс, кој со 32 полни години е највозрасен во тимот кој го предводи,  Американецот Ренди Виел кој  шеф на стручниот штаб кому како асистенти му помагаат сонародниците Вирд Гуде и Шарон Рајт.

Ајфел Тауерс е со просечна висина од 197.4 сантиметри и просек на години од 25.5.

Во последните две сезони играа во УЛЕБ Купот, но не ја минуваа првата фаза од натпреварите. Година дена порано беа елиминирани во осминафиналето на Челенџ купот од финскиот Нимки.

Трипати биле прваци на Холандија (1997, 2006 и 2007 година) и исто толку пати го освојувале Купот на оваа земја (200. 2002 и 2008 година).

ohridnews