Информацијта за договорената тест средба со Португалија инстат ја вжешти атмосферата во редовите на напатената македонска фудбалска новинарска фела и по медиумите фрчат наслови и коментари за играњето со големиот тим.
Кошаркарите , а поготово ракометарите не разгалија, ни кажаа дека и Македонецот знае да победува па сега нашите апетите растат, и не се водат повеќе според олимпиското „битно е да се учествува“. За мечот закажан на 26 мај, ќе се бара од фудбалерите па макар и на пријателска средба да се победи Португалија.
Но за воља на вистината, знаејќи на кои ниски гранки е македонскиот фудбал,(неодмна Првата лига беше сместена на 74 место, а репрезентацијата засега “вози“101) единствената непозната е дали и кој ќе го смени репрезентативниот дрес со оној на Роналдо.
Дали ќе се разгори битка во средината на теренот, или пак некој од голгетерите ќе поентира, или пак нашите одбранбени фудбалери уште за време на мечот ќе си договорат размена? Дополнителен проблем може да биде доколку најплатениот фудбалер на светот биде претходно изваден од игра, па ќе треба во тунелот, или во соблекувалните да се бара португалецот.
Но, Португалија не е само Роналдо, туку се на пример Меирлеш, Карваљо, Пепе, Нани . . .
На еден од незаборавните мечеви на фудбалската репрезентација на Македонија, оној на “Стадионот на Светлата“ во Саутемптон против Англија кој заврши 2-2, како што не информираше еден од актерите на тој исторски меч, тогашниот селектор Никола Илиевски – Џиџи , им забранил на репрезентативците да трчаат по англиските фудбалери и да бараат дресови за размена. По последниот свиреж на главнио судија не верувам дека репрезентативците на “Гордиот Албион“ предводени од Дејвид Бекам, знаеа каде им е главата и што им се случи во мечот со малата Македонија, која верувале или не им даде гол до корнер.Да, да од корнер.
М.П.
