Kомитетот за граѓански слободи, правда и внатрешни работи на Европскиот парламент, синоќа го одобри извештајот за визна либерализација за земјите од Западен Балкан, подготвен од словенечката европратеничка Тања Фајон, јави МИА.
Комитетот ги поддржа и амандаманите на Фајон на белата шенген листа покрај Македонија, Србија и Црна Гора, кои ги исполнуваат критериумите, условно да се додадат и Албанија и БиХ, а процес за визна либерализација да почне и за Косово.
Извештајот за визната либерализација на 6 октомври го одобри и Комитетот за надворешна политика на ЕП.
За укинувањето на визите Европарламентот ќе се изјасни на пленарна сесија во ноември, а по очекуваното одобрување од европратениците, конечниот збор за симнувањето на визната бариера за Македонија, за Србија и за Црна Гора, ќе го каже Министерскиот совет на ЕУ во декември.
Визната либерализација за Македонија, Србија и Црна Гора, според предлогот на Европската комисија, треба да стапи во сила на први јануари 2010 година.
ohridnews
