Премиерот Христијан Мицкоски денес ќе присуствува на започнување на третата фаза од инвестицискиот циклус на германската компанија КОСТАЛ Македонија во Охрид.
Станува збор за нов инвестициски проект на „КОСТАЛ Македонија“ во Охрид за производство на полначи за електрични и хибридни возила во вкупна вредност од речиси 50 милиони евра. Истиот предвидува отворање на нови производствени линии и нови работни места.
Заедно со претходните две фази, вкупните реализирани инвестиции на компанијата во Македонија ќе достигнат 150 милиони евра. Бројот на нови работни места кои ќе бидат дополнително креирани за овој инвестициски циклус ќе биде над 300 лица.
Според најавите планот е да се започне со производство со воведување на најновите SAC (Smart Actuator Charging) технологии и системи за полнење од групацијата Фолксваген, кои ќе бидат вградени во најновите модели на: Фолксваген, Шкода, Сеат, Ауди и Порше.
Н.С.Ј.
