Ракометарите на некогашниот шампион Преспа го комплетираа списокот на учесници на финалниот турнир на 16. Куп на Македонија, каде што се најдоа и фаворитите Вардар про, Металург и Пелистер. Ресенчани го освоија првото место во групата во Струмица.
Бранителот на трофејот Вардар во директниот дуел го декласира Младост од Богданци со 39:20.
Лидерот во Суперлигата, Металург службено го доби дуелот со Климент Охридски, а со победата над прволигашот Тинекс Пролет од 30:26 ја освои групата во „Автокоманда“.
Пелистер, пак, е победник на групата во Кавадарци, каде што во финалето го совлада домаќинот Винарска визба Тиквеш со 29:27.
