Големиот концерт на популарната етно група „Синтезис“, на 4 август, сабота, наместо на Антички театар ќе се одржи во Центарот за култура „Григор Прличев“.
Причина за менувањето на локацијата на одржување на овој голем настан со кој фестивалот „Охридско лето“ ќе го одбележи 58-от роденден, се временските неприлики.
-Не би сакале да ризикуваме, заради дождливото време овој роденденски концерт да не биде реализиран. Токму затоа, одлучивме тој да се одржи во Центарот за култура „Григор Прличев“, утревечер со почеток во 21 часот, велат од дирекцијта на фестивалот „Охридско лето“.
Според најавите на метеоролозите, нестабилно и дождливо време не’ очекува и во текот на втората половина од сабота, стои во соопштението на фестивалот „Охридско лето“.
OhridNews
