Претседателот на Државната изборна комисија, Борис Кондарко најверојатно ќе си поднесе оставка, а за ова веќе се разговарало во опозиционата СДСМ, од каде што е делегиран претседателот на ДИК, потврди синоќа лидерот на СДСМ, Зоран Заев, во интервју дадено за „24 вести“.
Тој смета дека се уште актуелниот претседател на ДИК, нема можност да делува на вистинско прочистување на избирачкиот список бидејќи во ДИК немало мнозинство.
На новинарско прашање зошто Кондарко не алармира дека има проблеми со избирачкиот список и зошто не си поднесе оставка, Заев вели дека Кондарко најверојатно ќе се збогува со оваа позиција.
