Антонио Конте уште не промовиран за нов менаџер на Челси успеа да ги придобие навивачите откако издејствува за нов договор за капитенот Џон Тери.
Останувањето на Тери на Стемфорд Бриџ беше голема и нескриена желба на навивачите, а Конте се вложи самиот себеси во разговори со Роман Абрамовиќ и успеа да разубеди рускиот тајкун.
– Среќен сум поради новиот договор и сите знаат дека јас сум емотивно поврзан со Челси и подготвен сум целиот живот да му го посветам на клубот. Сите во клубот со нетрпение ја очекуваме новата сезона со новиот менаџер на клупата. Морам да им се заблогадарам на навивачите кои покажаа голем респект спрема мене. – рече Тери после потпишувањето на договорот.
Дефанзивецот кој долги години ја носи капитенската врвца во дресот на „сините“ дебитираше 1998 година и од тогаш до сега е незаменлива алка во одбраната.
OhridNews
