Овогодинешната одисеја во Лигата на Шампиони, Јувентус ја заврши неславно во групната фаза. „Бјанко-нерите“ целосно потфрлија во групите и поразот од Галатасарај им ги спакува куферите на италијанците кои беа меѓу фаворитите сезонава.
– Не е сеедно за клуб како Јувентус да не се поминат групите во Лигата на Шампиони, но, тоа се случува и затоа сум многу разочаран. Им апелирав на сите дека нема услови за фудбал, но челниците на Галатасарај беа решени да играат и победија што им го отвори патот во 1/8 финалето – рече тренерот на Јувентус, Антонио Конте.
„Старата Дама“ европската пролет ќе ја продолжи во Лигата на Европа, а и одбраната на титулата во Серија А е прва опција за Конте.
Мх.П.
