Дел од концесионерите на охридските плажи не го почитуваат комуналниот ред, обвинува ЈП Охродски Комуналец. Некои од  закупците на плажите немаат поставено корпи за отпадоци и контејнери, а дел од нив ги немаат подмирено и трошоците за подигање на отпадот од минатата година, изјави за Ohridnews, Сашо Алче, раководител на сектор во Комуналец. Тој посочи дека закупците на плажи неретко отпадот го одлагат во контејнери или на простор предвиден за физички или правни лица со што се зоздава грда слика и се отежнува работата на комуналните екипи. Исто така, вели Алче, дел од плажите немаат одреден простор за одлагање на сметот така што нивното чистење е отежнато.


Закупците на плажите не го почитуваат комуналниот ред – Сашо Алче

Од јавното комунално претпријатие информираа дека оваа година извршиле корекции на цените за за подигање отпад од плажите издадени под концесија, кои како што тврдат оттаму, биле намалени за квадратурата која ги опфаќа зелените површини на уредените плажи. Инаку и годинава сериозен проблем е чистењето на плажите кои не се издадени под концесија затоа што таму исто така нема комунален ред.
 
Ohridnews