Двете репрезентации стартуваа со игра “кош за кош“. Израелците први направија предност, поведувајќи со 15:7. Уште вовој период од играта се виде дека најголема опасност во редовите на Израел претставуваат Халперин и Тапиро.
Нашите блеснаа во 2. четвртина. Направивме комплетен пресврт и успеавме да ја направиме најголемата предност во финишот на четвртината (41:34). Но, нашите противници со серија од 8:0 во последните 2 минути си заминаа на одмор со минимална предсност од 42:41.
Третиот период се покажа како клучен за крајниот исход на средбата. Израелците првин поведоа со 56:48 (две “тројки ж“ по ред на Халперин и Тапиро), а во финишот на четвртината предноста беше и над 10 поени.
Македонската репрезентација се разигра во последните 6 минути од средбата, кога Израел водеше со 80:66. Направивме серија од 7:0, предноста на Израел почна да се намалува. Во 39. минута Илиевски со “тројка“ намали на 81:84, потоа и стигнавме на негатива од 1 поен во три случаи, од кои последниот беше 87:88 на 14 секунди до крај. Сепак, искусните Израелци успеаја да ја задржат топката, и да стигнат до победата, која ги однесе на Евробаскетот.
ИЗРАЕЛ – МАКЕДОНИЈА 92:87 (детална статистика)
Резултат по четвртини: 25:18; 17:23; 29:19; 21:27.
ИЗРАЕЛ: Хаџаџ 10, Халперин 26, Елијаху 15, Маркович, Робертс 9, Пнини, Тапиро 20, Наор, Козикаро 6, Грин 6, Тамир, Рот.
Селектор: Зви Шерф.
МАКЕДОНИЈА: В. Стефанов 23, Илиевски 24, Петровски, Димитровски 6, Богоев, Р. Стефанов 9, Тасовски, Гечевски 11, Антиќ 8, Гоцевски, Вилкинсон 3, Самарџиски 3.
Селектор: Јовица Арсиќ.
Резултат: Израел – Македонија 92:87
Конечна табела: 1. Израел 4 бода, 2. МАКЕДОНИЈА 3, 3. БИХ 2.
Унгарија е репрезентацијата која обезбеди опстанок во “А“ Дивизијата. Унгарците ја совладаа Шведска со 75:64 и победија на турнирот за опстанок. Покрај Шведска, во “Б“ Дивизијата се сели и Данска.
