Најдобрите македонски кошаркари ја совладаа репрезентацијата на Босна и Херцеговина со 73:63. Во првиот натпревар од дополнителниот турнир во Менорка, по чие одигрување ќе биде познат и последниот 16-ти патник на Европското првенство во кошарка во Шпанија. Игра исполнета со многу ослиации го карактеризраше овај натпревар, а на самиот старт направивме предност која како така успеавме да ја одржиме до крајот. Последниот отпор на Босанците беше скршен на три минути пред крајот кога ја направивме клучната разлика од 9 поени.
Босанците немаа одговор за македонското трио Стефанов – Илиевски – Вилкинсон кои искомбинираа 50 поени. Најпрецизен беше капитенот Врбица Стефанов со 18 постигнати поени, притоа погоди тројка од преку центар на крајот од првото полувреме. Голем придонес даде натурализираниот Македонец Мајкл Вилкинсон, кој постигна 17 кошеви, 12 скока и 3 асистенции. Трет на листата најдобри стрелци на натпреварот беше Владо Илиевски со 15 постигнати поени.
Утре репрезентацијата на БиХ ќе се сретне со селекцијата на Израел, а турнирот завршува в петок, кога нашата репрезентација ќе ги одмери силите со Израел.
Се` е во наши раце со победа против Израел, нашите најдобри кошаркари ќе обезбедат само второто учество на Европските првенства.
М.П.
