Од страна на Одделот за сузбивање на организиран и сериозен криминал во соработка со РЦ за ГР Север и Сектор за внатрешна контрола и професионални стандарди до ОЈО Струга е поднесена кривична пријава против 43-годишно лице од Тетово, вработен во МВР-РЦ за ГР Запад, како Раководител на смена во Полициска станица за Гранични проверки – Ќафасан, за сторено кривично дело – “примање поткуп“, соопшти МВР.
Во рамки на своите службени овластувања, пријавениот во својство на службено лице како раководител на смена на ГП Ќафасан, со цел за себе да прибави противправна имотна корист на 6-ти овој месец дозволил влез во Р.Македонија на две лица странци, државјани на Р.Албанија, иако не постоеле никакви законски пречки истите да влезат во Република Македонија, за што побарал и примил парична награда – поткуп од оштетните граѓани во износ од 50 евра со што сторил кривичното дело – “примање поткуп“, информира МВР.
OhridNews
