Поради постоење основи на сомнение за сторено казнено дело „измама“, СВР Охрид поднесе кривична пријава против 64-годишно лице од Скопје.
– Пријавениот, во текот на април годинава, остварил телефонски контакт со, сега оштетениот од селото Лешани, општина Дебарца и лажно му се претставил дека е застапник на Синдикатот од Државната болница во Скопје. Со намера да се стекне со противправна имотна корист, пријавениот го довел во заблуда сега оштетениот и од него побарал да му продаде 10 јагнина од по 40 килограми. По претходен меѓусебен договор, на 13 април, скопјанецот со патнички автомобил пристигнал во селото Лешани и по остварената средба со оштетениот, ги натовариле јагнината во неговиот автомобил, информира портпаролот на СВР Охрид, Стефан Димоски.
Откако заминал од Лешани, пријавениот ги прекинал сите контакти со сега оштетениот. Со стореното казнено дело, пријавениот се стекнал со противправна имотна корист од 50.000 денари.
OhridNews
