Надворешната канцеларија за криминалистички работи Струга поднесе кривична пријава против три лица на возраст од 35-45 години од село Бузалково-велешко, село Кочилари-Градско и од село Радолишта-струшко, поради постоење основи на сомнение за сторенo кривично дело “разбојништво“.
Имено на 27.08. годинава во 14,20 часот во Струга на улицата “Битолски Конгрес“ пријавените со употреба на физичка сила и спреј – солзавец извршиле разбојништво над 26-годишно лице од Прилеп, при што му одзеле ранец во кој имало 8.800.000 денари, а потоа со патничко возило „Фолксваген Голф 3“ заминале во непознат правец.
OhridNews
