Жителите на струшко Лабуништа се жалат дека експлоатацијата на минерали во околните каменоломи им го загрозува здравјето, а штети, како што велат, трпи и локалната инфраструктура.
-Наместо на младите да им дадеме спорт и рекреација ние им оставаме загаден воздух, каменоломи и незаштитени улици затоа што камионите што врват тука секојдневно прават штета, вели Мирсад Мемишоски, жител на Лабуништа и член на Советот на град Струга.
Лабуништани преку својот претставник во градскиот совет во Струга, пред два месеци побараа надлежните институции да изготват извештај за влијанието на каменоломите врз животната средина и дали концесионерите ги имаат сите потребни дозволи за експлоатација. Одговор се уште не добиле.
-Доколку не добиеме информации во врска со постоечките дозволи на сопственицитена каменоломите во Лабуништа ние немаме друга опција освен да го повикаме народот на протести, истакна Мемишоски.
Од инспекторатот за животна средина во општина Струга информираат дека концесија за експлоатација на каменоломи во Лабуништа имаат два правни субјекти, а во постапка е уште едно барање. Покрај дозвола за експлоатација, согласно законот концесионерите на каменоломите треба да поседуваат и Б еколошка интегрирана дозвола, со која се пропишуваат нормативи за заштита на животната средина и здравјето на луѓето.
-Двата каменоломи што се, едниот е во завршна фаза со сите комплет документи, имаат доставено до општина Струга барање за Б интегрирана еколошка дозвола. Завршена е целата работа како ќе се работи со какви материјали и какво е нивното влијание врз животната средина. Таму нема сепарации нема толку енормни количини на прашина. Едната е на почетокот на селото и не пречи другате е во атарот на долна Белица,
Врз основа на поднесените елаборати општина Струга треба да донесе одлука дали каменоломите во Лабуништа каде живеат 9000 жители ги исполнуваат потребните еколошки стандарди за заштита на животната средина и здравјето на луѓето.
OhridNews
