По катастрофалниот земјотрес кој го погоди Хаити, од сите страни на светот почна да пристигнува помош за разрушената островска земја. Покрај државите, ОН и познати личности, хуманитарна помош понудија и повеќе фондации и движења.
LCIF (Lions Clubs Foundation) издвои ургентно за настраданите на Хаити грант од 50.000,оо американски долари како прва еднократна помош. Во текот на следната недела се очекува Lions club international, чиј дел се и три охридски клубови да издвои доплолнителни 1 милион долари.
И додека светот се мобилизира за помош, на Хаити состојбата и натаму е загрижувачка. Под урнатините се наоѓаат илјадници мртви тела, а населението е без покрив над глава, без вода и храна. Околу 10 000 американски војници од вчера ја презедоа контролата над единствениот аеродром на Хаити и започнаа да се распоредуваат на пунктови низ разрушената земја со цел да го обезбедат доставувањето на хуманитарната помош.
Ohridnews
