Либерално демократската партија вечерва едногласно го поддржа Стево Пендаровски, како најдобар и консезуален кандидат за претседател на Македонија, јавува „Телма“. Пред членовите на Централниот одбор на ЛДП Пендаровски најави тешка политичка битка, не за функциите, како што рече, туку за Македонија. Тој нагласи дека власта е подготвена да ги искористи сите капацитети на државните органи и техники за измама на гласањето. Пендаровски порача дека не се точни тврдењата дека претседателската функција кај нас нема политичка тежина, потсетувајќи како првиот претседател Глигоров ја извршуваше функцијата, но и како Трајковски имаше значење во решавањето на кризата во 2001 година.
Битката на овие избори ќе се води на неколку пунктови, пред се тоа е катастрофалната економска ситуација подгреана и со заминувањето на младите од земјата и недостигот на демократски капацитет на власта, рече Пендаровски.
Тој ги повика граѓаните со своето гласање да го „запрат возот кој јури во погрешна насока“, а власта нема намера да се откаже од начинот на владеење.
OhridNews
извор:„Телма“
