Доизградба на новата авробуска станица, покривање на новиот пазар и изградба на катна гаража, затворен базен, источната заобиколница, доизградба на „Железничка“ и дом за стари лица. Ова се дел од приоритетите на кандидатот за градоначалник на Охрид од ЛДП, Боро Павлоски.
Како што беше речено на денешната прес конференција, концепцијата на оваа партија ќе биде сите проекти и проблеми да се решаваат во корелација со централната власт.
Зборувајќи за текот на изборната кампања, Павлоски рече дека граѓаните заслужуваат конкретна понуда, а не меѓусебни препукувања на кандидатите.
„Во нашата програма ги зафаќаме најболните точки од нашето секојдневие, па затоа и кандидатите за советници се од различни професии“, изјави носителот на листата нја советници на ЛДП, Крум Арнаудов.
Освен Арнаудов на советничката листа од ЛДП се: Спиро Николоски, Лидија Јевтовиќ, Радојко Илиески, Борис Донески, Лихнида Спироска, Игор Стојаноски, Здравко Петрески, Марина Петроска и десети на листата од 23 советници е Радован Попоски.
Ohridnews
