Неславно со два порази во исто толку одиграни натпревари заврши авантура на Македонија Ѓорче Петров и Академија Пандев во првата рунда од квалификациската фаза за пласман во Лигата на Европа.

„Лавовите“ на реваншот во Скопје претрпеа нов пораз овој пат со 3-0 од Алашкерт и со вкупен резултат 6-1 финишираа со настапите во ЛЕ.

Без постигнат погодок во двата натпревари и со шест примени погодоци заврши Академија Пандев. Зрински од Мостар беше голем залак за „академците“ во дебитанскиот настап во фудбалска Европа.

Шанса за пласман понатаму има тимот на Шкупи, кој извлече позитивен резултат во првиот меч ремизирајќи 3-3 со Пјуник. Реваншот во Скопје започна во 20 часот и 30 минути.

OhridNews
Фото: Екипа.мк