Според Министерството за внатрешни работи, во првата постапка сопствениците треба да приложат доказ за сопственост, фактура, договор за купопродажба или наследно решение. Во втората постапка, сопствениците треба да приложат Решение за утврдување на сопственички статус на возилото, добиено во вонпарична судска постапка. Предлогот треба да содржи повеќе податоци како што се: марка, тип, број на шасија и мотор како и година на производство на тракторот или тракторската приколка. Исто така треба да се наведат причините поради кои се поднесува предлогот.
Со предлогот се приложува и претходно дадена изјава заверена на нотар, во која подносителот на барањето ја презема одговорноста дека свесно го користел возилото, односно, дека за истото не се води судска постапка.
Инаку, предлозите за легализација се поднесуваат до 10-ти април идната година. Доколку полициските службеници затекнат трактор или тракторска приколка која не е регистрирана, ќе се изрекува парична глоба во износ од 500 до 2000 евра во денарска противвредност.
