Овогодинешната манифестација за почеток на туристичката сезона „Лето 2010“ и „Денот на Езерото“, Охрид ќе ги обележува со заедничка прослава, која ќе се одржи на 19 јуни, сабота на градскиот плоштад „Св.Климент Охридски“.
Традиционалната манифестација „Денот на Езерото“ трите крајезерски градови Охрид, Струга и Поградец секоја година ја обележуваат на 21 јуни, со цел да ја искажат заедничката грижа за заштита на Охридското Езеро.
-Годинешен домаќин на „Денот на Езерото“ е Општина Охрид која во рамки на оваа традиционална манифестација, со цел да ги збогати содржините и на гостите и на туристите и да им понуди поразновидна забава, истовремено ја организира и манифестацијата „Лето 2010“ со која го одбележува и почетокот на летната туристичка сезона. Оваа манифестација која се очекува да прерасне во традиционална, за прв пат се одржа, минатата година.-објаснуваат од Општина Охрид, која е организатор и покровител на двете манифестации.
Програма за „Лето 2010“ и „Денот на Езерото“ – 19 Јуни, сабота
12.00 часот: Старт на РЕКРЕАТИВНИОТ ВЕЛОСИПЕДСКИ МАРАТОН ОКОЛУ ОХРИДСКОТО ЕЗЕРО (Градски плоштад „Св.Климент Охридски“)
14.00 часот: ПРИЕМ НА ГРАДОНАЧАЛНИЦИТЕ НА ПОГРАДЕЦ , СТРУГА И ДЕБАРЦА (Кабинет на градоначалникот на Охрид Александар Петрески)
18.45 часот: ПРИСТИГНУВАЊЕ НА УЧЕСНИЦИТЕ НА РЕКРЕАТИВНИОТ ВЕЛОСИПЕДСКИ МАРАТОН (Градски плоштад „Св.Климент Охридски“)
19.00 часот: КУЛТУРНО УМЕТНИЧКА ПРОГРАМА (прв дел)
Детско Хорче,,Распеано Герданче,, – Охрид, Игор Бежаноски – академски музичар и Концерт на КУД ,,Филиграни,, – Охрид (Градски плоштад „Св.Климент Охридски“)
21.00 часот: РАЗГЛЕДУВАЊЕ НА РЕГИОНАЛНАТА ТУРИСТИЧКА ПОНУДА (Градски плоштад „Св.Климент Охридски“)
23.00 часот: ОБРАЌАЊЕ НА ГРАДОНАЧАЛНИЦИТЕ НА ОПШТИНИТЕ ОХРИД, ПОГРАДЕЦ И СТРУГА
– КУЛТУРНО УМЕТНИЧКА ПРОГРАМА (втор дел)
Кербер, Били Ѕвер, Дамјан Пејчиноски, Концерт на Ѓоко Танески со пријателите (Градаски плоштад „Св.Климент Охридски“)
