Со три порази во трите натпревари македонскиот футсал правак Железарец ги заврши настапите во Европскиот футсал куп. Ако во првиот натпревар португалскиот шампион Спортинг беше неприкосновен, во преостанатите два меча со домаќинот Слов – Матик и словенскиот Кобарид беше рамноправен противник.
Исукствата и имрпресиите за читателите на ohridnews ги споделува охриѓанецот Зоран Левески кој беше стандарден на мечевите за Железарец.– Европа купот беше прво големо искуство за сите нас. По промената на форматот ние бевме првата македонска екипа која играше во најдобрите 32 екипи во Европа. Самиот пласман таму за оваа екипа претставува голем успех , нормално дека кога ќе се стигне таму апетите растат, и сите сакавме да бидеме во наредна фаза или во 16 најдобри, но за жал реално и искрено се уште не сме дораснати за таму – вели Левески.
По играњето во футсал купот, клубот нема да остане на овај настап туку целиот проект е да се најдат што подалеку во европската конкуренција.
– Работиме на проект со овај тим и врвот го гледам таму меѓу 16. најдобри, за следна година ќе бидеме еден шешир подобро рангирани со што ни дава шанса преку полесни противници да стигнеме до европскиот куп, а потоа и до топ 16 екипи во Европа во најквалтетно натпреваруванје Лига Шампиони.
Тимот неколку години е неприкосновен на домашната сцена , очекуваат и годинава по истото сценарио да се најдат во друштво на европскиот крем.- По завршувањето на европските обврски наша цел е освојување на титула во македонскиот шампионат и учество до година во лига Шампиони. Моја желба и мислење е оти тоа во моментов би било врвот на македонски футсал – завршува Левески.
М.П.
