Советникот на Левица во Советот на Општина Охрид, Виолета Аврамоска, денес поднесе 82 амандмани до Претседателот на Совет на Општина Охрид, Сашо Донев, велат во соопштението од Левица Охрид.
Амандманите се однесуваат на Предлог- точката со која предвидува продажба на државно земјиште по 70 ден. за метар квадратен, во месноста Мауцкер. Апелираме до градоначалникот на Општина Охрид Кирил Пецаков да се откажи од оваа погубна идеја, со која неповратно се оттуѓува општински имот и се отвора можност за коруптивни зделки, од кои повторно ќе профитираат неколку поединци, додаваат во соопштението.
Воедно, велат, советникот на Левица ќе ги искористи сите законски механизми со цел да се спречи продажбата на Мауцкер, за интересите на бизнис-елитата и профитерите.
OhridNews
