Лидерот во Примера дивизион, Барселона одигра инфериорно реми без голови против Малага притоа без ниту еден удар кон противничкиот гол. Со тоа каталонците ставија крај на победничката серија која траеше од стартот на шампионатот.
– Знам каде грешевме, но мора да продолжиме понатаму. Моите играчи не се машини бидејќи на секои три дена играме по еден натпревар. Крајниот исход беше реален бидејќи домаќините одиграа доста организирано во одбраната – рече стратегот на Барселона, Луис Енрике.
Покрај поделбата на бодовите каталонците продолжија со низата на натпревари без примен погодок во мрежата, а сега се вкупно пет.
Мх.П.
