Локалната cамоуправа oстро реагирашe на според нив неоснованите напади од Ф.К „ Охрид 2004“ и побара јавно извинување.
Во дописот кој пристигна до нашата редакција кој ви го пренесуваме во целост, стои:
“ Претставниците на Фудбалкиот клуб „ Охрид 2004“ , преку најавата на мегафонот на актуелната власт Драган Павловиќ- Латас и прилогот објавен на телевизија „ Сител“ посветен на работата на клубот, изнесоа низа клевети и невистини против Локалната самоуправа, градоначалникот Александар Петрески и Спортско рекреативниот центар „ Билјанини избори“ .
Очигледно е дека раководството на ФК. „ Охрид 2004“ има партиска задача од актуелната власт на чело со ВМРО- ДПМНЕ да ја напаѓа Локалната самоуправа. Нечесно е од нивна страна да обвинуваат наместо да ја пофалат локалната власт која им помага и им овозможува да ги користат фудбалските терени во СРЦ „ Билјанини извори“.
По изнесените невистини и напади од страна на раководството на клубот „ Охрид 2004“, Локалната самоуправа и СРЦ „ Билјанини извори“ ќе одржат прес конференција. Во меѓувреме очекуваат јавно извинување од ФК „ Охрид 2004“ или во спротивно можат да ја изгубат поддршката од Локалната самоуправа “ – се вели во соопштението.
Ohridnews
