Општина Охрид нема намера да издава дополнителни дозволи за поставување урбана опрема во центаротна градот од тоа што е предвидено со програмата усвоена од Советот на општината. Оттаму како неосновани ги отфрлаат барањата на политички претставници на Египѓаните во Охрид, кои бараат општината да определи дополнителни локации за поставување урбана опрема за време на туристичката сезона.
-Локациите за поставување на урбана опрема за време на туристичката сезона се доделуваат преку јавен тендер и во законски пропишана законска постапка. Локалната самоуправа, не ги дели луѓето според нивната етничка припадност, туку како рамноправни граѓани, па затоа остро реагира на обидите за манипулации на поединци кои си поигруваат со чувствата на охридските Египќани, се вели во соопштението на Кабинет на градоначалникот Александар Петрески.
