Рибочуварската служба на концесионерот на рибниот фонд на риболовен ревир река Црн Дрим 1 – ЗРСК Пастрмка од Струга во соработка со Државниот инспекторат за земјоделие ПО Охрид, вчера извршија контрола на течението на река Црн Дрим, при што кај с. Добовјани биле забележани повеќе лица кои се движат со недозволени риболовни средства покрај реката. За настанот е известена полициската станица во Велешат, од каде било интервенирано и се работи на откривање на прекршителите.
При контролата по течението наЦрн Дрим на потегот помеѓу селата Враништа и Ложани, затекнато било лице од с. Враништа како се движи со недозволен риболовен алат – мрежа сертме, кое средство му е одземено од страна на рибочуварската служба и предадена на Државниот инспекторат за земјоделство од Охрид за понатамошна судска постапка.
Одговорните лица на концесионерот на рибниот фонд во „риболовен ревир река Црн Дрим 1“ – ЗРСК Пастрмка од Струга и Државниот инспекторат за земјоделие (одделение за инспекциски надзор од областа на рибарството со аквакултурата) со седиште во Охрид, апелираат до риболовците дека и во иднина ќе вршат строги контроли и дека нема да се толерира никакво отстапување од Законот, односно нема да се толерираат риболовци без риболовна легитимација и дозвола, а риболов со недозволен риболовен алат најстрого ќе се санкционира.
