Екипите од Манчестер, Јунајтед и Сити тешко со судни маки успеаја да ги впишат првите бодови во Лигата на Шампиони победувајќи ги германските противници Волфзбург односно Борусија Менхенгладбах со идентични 2-1.
„Црвените ѓаволи“ на крилата од Хуан Мата успеаја да го свртат резултатот во своја полза по негативата 1-0. Шпанецот ја анулираше предноста на гостите со гол од белата точка, а потоа маестрално асистираше до Крис Смолинг кој со лизгачки старт ја затресе мрежата за комплетен пресврт.
Во иста режија и „граѓаните“ ја забележаа првата победа во новата сезона во ЛШ. Премиерлигашот губеше 1-0, а во последниот половина час преку Николас Отаменди и Серхио Агуеро постигна два погодоци и ги осигура трите бодови.
Резултати :
Група А : Малме-Реал Мадрид 0-2, Шахтјор-ПСЖ 0-3
Табела : Реал Мадрид 6, ПСЖ 6, Малме 0, Шахјтор 0.
Група Б : ЦСКА Москва-ПСВ Ајндховен 3-2, Манчестер Јунајтед-Волфсбург 2-1
Табела : ПСВ 3, Манчестер Јунајтед 3, ЦСКА Москва 3, Волфзбург 3.
Група Ц : Астана-Галатасарај 2-2, Атлетико Мадрид-Бенфика 1-2.
Табела : Бенфика 6, Атлетико Мадрид 3, Астана 1, Галатасарај 1.
Група Д : Борусија Менхенгладбах-Манчестер Сити 1-2, Јувентус-Севилја 2-0.
Табела : Јувентус 6, Севиља 3, Манчестер Сити 3, Борусија Менхенгладбах 0.
Мх.П.
