Англиските премиерлигаши Манчестер Сити и Тотенхем имаа фантастични перформанси во Лигата на Шампиони, откако во четвртата рунда во фазата по групи ги совладаа Наполи 4-2 односно Реал Мадрид 3-1.
„Граѓаните“ го освоија целиот плен на „Сан Паоло“ иако домаќините имаа водство 1-0 со голот на Инсиње. Егал до крајот на првиот дел донесе Отаменди. На стартот од второто полувреме Сити поведе со 2-1 со погодокот на Стоунс. Жоржињо од белата точка донесе ново изедначување, но избраниците на Пеп Гвардиола постигнаа нови два голови преку Агуеро и Стерлинг кои им донесоа победа и пласман во нокаут фазата.
Екипата на Тотенхем ја продлабочи кризата во редовите на Реал Мадрид победувајќи го 3-0 на Вембли. Два од трите голови за „петлите“ постигна Деле Али, а во листата на стрелци се запиша и Кристијан Ериксен.
Резултати:
Група Е: Ливерпул – Марибор 3-0, Севиља – Спартак Москва 3-1
Табела: Ливерпул 8, Севиља 7, Спартак Москва 5, Марибор 1
Група Ф: Наполи – Мен Сити 2-4, Шахјтор – Феенорд 3-1
Табела: Мен Сити 12, Шахјтор Доњецк 9, Наполи 3, Феенорд 0
Група Г: Бешикташ – Монако 1-1, Порто – Лајпциг 3-1
Табела: Бешикташ 10, Порто 6, Лајпциг 4, Монако 2
Група Х: Тотенхем – Реал Мадрид 3-1, Борусија Дортмунд – АПОЕЛ 1-1
Табела: Тотенхем 10, Реал Мадрид 7, Борусија Дортмунд 2, АПОЕЛ 2.
OhridNews
